Allir landshlutar
Hin árlega og alþjóðlega matar- og menningarhátíð Food and Fun verður haldin í hvorki meira né minna en 17. sinn og hófst miðvikudaginn 28. febrúar og stendur til sunnudagsins 4. mars. Fjöldi þekktra erlendra matreiðslumanna matreiða ljúffenga rétti úr íslensku hráefni á nokkrum af helstu veitingahúsum Reykjavíkur. Ákveðin endurnýjun hefur orðið meðal þeirra staða sem eru að taka þátt, þ.e. margir eru að koma nýir núna inn en alls taka sextán veitingastaðir þátt í hátíðinni í ár. Þeir fá allir til sín einn þessara þekktu matreiðslumeistara til að útbúa sérstakan fjögurra rétta hátíðarmatseðil og deila hæfileikum sínum með íslenskum matgæðingum. Veitingastaðirnir sem taka þátt í ár eru eftirtaldir í stafróðsröð; – þeir sem eru með góða skráningu hjá okkur eru undirstrikaðir: Apótek Restaurant, sem fær í eldhúsið argentíska gestakokkinn og matreiðslusnillinginn Javier Rodriguez. Burro, Essensia, Geiri Smart, Grillið, Kitchen and Wine, Kolabrautin, Kopar, Marshall veitingastaður, Matarkjallarinn – sem er með Rob Rubba frá Hazel restaurant í Washington DC, sem gestakokk. Mathús Garðarbæjar, Nostra, Slippurinn Vestmannaeyjum með pop up á Bergsson RE, Sumac, en Athanasios Kargatzidis, eigandi Baron í Beirút verður gestakokkur þeirra. Loks eru Vox og Bjórgarðurinn með – „Spanish pop up“. Verð á þessum hátíðarmatseðlum er kr. 8.900 og í sumum tilfellum eru seðlarnir í boði áfram eitthvað eftir þessa viku. Sjá nánar á www.foodandfun.is