Allir landshlutar
Nokkrir minni staðir hafa opnað á árinu í bænum en af stærri aðilum ber helst að nefna að Monkeys mun opna þar sem áður var Skelfiskmaðurinn og við hlið hans verður kokteilbar. Japönskum matreiðsluhefðum verður þar blandað saman við matarhefðir frá Perú. Reynslumiklir menn eru þar við stjórnvölinn, sem meðal annars hafa getið sér gott orð fyrir rekstur Kol og Kalda bar. Í fyrrum húsnæði Máls og Menningar opnar í júní nýr veitingastaður, bar og bókabúð. Kaffihúsið og djassstaðurinn Skuggabaldur mun opna í júní þar sem Kaffibrennslan var eitt sinn til húsa – í sömu lengju hefur í nokkurn tíma staðið til að opna nýjan stað á hótel Borg.
Staðir sem opnuðu á síðasta ári:
Haninn kjúklingastaður sem fyrir er í Faxafeni og býður uppá góð verð, opnaði í lok maí, úti á Granda. Taj Mahal í Tryggvagötu (þar sem áður var American style sem lokaði), opnaði einnig á Grensásvegi og Austurlandahraðlestin opnaði nýtt útibú á Grensásvegi síðasta vor. Spaðinn pizzustaður sem er á Dalvegi opnaði einnig í Hafnarfirði. Punk opnaði á Hverfisgötu þar sem til fremur skamms tíma var mexikóskur staður.
Staðir hættir 2021 m.a.:
Geysir Bistro sem var bæði á Laugavegi og Aðalstræti hefur lokað sem og hið fornfræga Restaurant Reykjavík í sömu götu. Annar frægur Lækjarbrekka lokaði í fyrra sem og Grillhúsið í miðbænum. Corona veiran hefur leikið þessa og fleiri staði illa.
Á Facebook síðu okkar skrifum við um heimsóknir á staði og myndir.
